मातोश्री ग्रामसमृद्धी शेत पाणंद रस्त्यांसाठी 70 कोटी

         शिर्डी लोकसभा मतदार संघातील शेत पाणंद रस्त्यांची मागील काही वर्षांपासून मोठ्या प्रमाणात दुरावस्था झाली होती. या परिसरात मोठ्या प्रमाणत दुग्ध व्यवसाय करणारे शेतकरी व शेतीपूरक व्यवसाय  असल्यामुळे व त्यांना शेती उत्पादित माल बाजारपेठत विक्री करण्यासाठी ने – आण करण्यासाठी खराब रस्त्यामुळे अनेक अडचणींचा सामना करावा लागत होता. पर्यायाने शेतमालाचे मोठ्याप्रमाणात नुकसान होऊन शेतकऱ्यांना मोठा आर्थिक फटका बसत होता. अनेक शेतकऱ्यांनी याबाबतच्या अडचणी खासदार लोखंडे यांच्या कानी घातल्या होत्या. याकडे खासदार महोदयांनी मुख्यमंत्री एकनाथ शिंदे व रोजगार हमी मंत्री संदीपान भुमरे यांचे लक्ष वेधले व मतदार संघातील 132 रस्त्यासाठी 70 कोटींचा निधी मंजूर करून घेतला.