कर्जत बसस्थानक व कुळधरण चौकात सीसीटीव्ही कॅमेऱ्याची नजर

            कर्जतच्या बसस्थानकात नागरिकांचीही मोठी रेलचेल असते. अशावेळी बसमध्ये चढताना-उतरताना पैशांच्या पाकिटाची, पिशव्यांची, वाहनांची, मोबाईलची तसेच दागिन्यांची चोरी होण्याचे प्रमाण मोठ्या प्रमाणावर होते. अशावेळी कर्जत पोलिसांनी आत्तापर्यंत अनेक चोरटे जेरबंद केले आहेत. मात्र अनेकवेळा लहान मोठ्या गुन्ह्यांमध्ये नागरिकांना पुराव्याअभावी न्याय मिळत नाही. तसेच तपासात मोठी अडचण निर्माण होते परंतु असे अनुचित प्रकार घडूच नयेत व मुली व महिलांची छेडछाड होऊ नये. चोऱ्या, लूटमार अशा प्रकारांवर कायमचा तोडगा काढण्यासाठी पोलीस निरीक्षक चंद्रशेखर यादव यांनी या महत्वाच्या ठिकाणी सीसीटीव्ही यंत्रणा कार्यान्वित केली आहे. सध्या हे कॅमेरे या ठिकाणी येणाऱ्या-जाणाऱ्या प्रत्येक नागरिकांवर व चोरट्यांवर लक्ष ठेवून असल्यामुळे अनेकांना धास्ती बसली आहे. सध्या येथे होणाऱ्या गैरप्रकारांवर आळा बसला असून मुली व महिलांना सुरक्षितता निर्माण झाली आहे. पोलीस निरीक्षक यादव यांनी राबवलेल्या या सकारात्मक उपक्रमाचे तालुक्यातील नागरिकांकडून कौतुक होत आहे.

             सदर कॅमेरे बसवण्यासाठी शिवाजी थोरात रा. कोळवडी, प्रवीण फलके रा. कर्जत, दादासाहेब थोरात रा. थेरवडी, ता. कर्जत यांनी आर्थिक योगदान दिले तर वाय जी इन्फोटेकचे योगेश गांगर्डे रा. कोंभळी यांनी कुळधरण चौक येथील कॅमेरे बसविले. शिवाजी देशमुख रा. आळसुंदे यांनी बस स्थानक येथील कॅमेरे बसवले तसेच बस स्थानकातील कॅमेऱ्याच्या कामासाठी खर्च केला.