विद्यार्थ्यांची सायकल चालवून शहिदांना श्रद्धांजली

          ओम साई नेवासा तालुका सायकल रायडर्स ग्रुप व जिल्हा परिषद मराठी मुलांची शाळा यांच्या संयुक्त विद्यमाने आयोजित सायकल रॅलीची सुरुवात शाळेच्या प्रांगणात हिरवा झेंडा दाखवून झाली. यावेळी विद्यार्थ्यांच्या रॅलीला शाळा व्यवस्थापन समितीचे अध्यक्षा स्मिता अंबिलवादे व मुख्याध्यापिका पुष्पा ठुबे यांनी हिरवा झेंडा फडकवत प्रारंभ केला. विद्यार्थ्यांसमवेत सायकल चालवत रॅलीचे नेतृत्व वर्गशिक्षक अण्णासाहेब शिंदे यांनी केले. यावेळी सायकल स्वारांना शाळेतील सर्व शिक्षक वृंद व पालक बालाजी मलदोडे, शाम राठोड, सलीम देशमुख, पेंटर विजय सुरोशे, किरण आंबिलवादे, गणेश सुरडे, श्रीकर मिटकरे, संदीप लोखंडे, अफरोज सय्यद आदि पालकांनी यावेळी प्रवासासाठी शुभेच्छा  दिल्या.
                         

26/11 हल्ल्यातील शहिदांना शाळेच्या वतीने नेवासा ते श्री क्षेत्र देवगड पर्यंत माझ्यासह विद्यार्थ्यांनी सायकल चालवून  श्रद्धांजली अर्पण केली. मोबाईल गॅजेट्सच्या युगात मुलांचा शारीरिक विकास साधावा या उद्देशाने व सायकल चालवण्याचे शरीराला होणारे फायदे विद्यार्थ्यांना समजावे या उद्देशाने क्षेत्रभेटीचे आयोजन केले होते. आण्णासाहेब शिंदे, वर्गशिक्षक

शहीदांना श्रद्धांजली वाहण्यासाठी नेवासा ते देवगड प्रवास माझ्यासह वर्गमित्रांनी सायकलने केला. इतक्या लांब सायकल प्रवासाचा अनुभव मी पहिल्यांदाच घेतला. क्षेत्रभेटीतून मला देवगड परिसरातील मंदिरे, नदी व शेती व्यवसायाची माहिती मिळाली. सर्वांच्या सोबत सायकलने प्रवास करताना खूप मजा आली. –शौर्य राहुल आठरे विद्यार्थी गटप्रमुख, इयत्ता चौथी.