‘त्रिमूर्ती संकुल’ सचिवांचा आत्महत्येचा प्रयत्न

            घटनेनंतर त्यांना तातडीने नेवासा फाटा येथील खाजगी रुग्णालयात दाखल करण्यात आले. मात्र प्रकृती चिंताजनक असल्याने पुढील उपचारासाठी त्यांना अहिल्यानगर येथील खासगी रुग्णालयात हलविण्यात आले आहे.

        दरम्यान, संस्थेमध्ये गेल्या काही काळापासून प्रशासकीय निर्णय, अधिकार वाटप व व्यवस्थापनातील मतभेदांमुळे अंतर्गत तणाव निर्माण झाला होता का, याबाबत चर्चा सुरू आहे. जबाबदारीच्या पदावर असलेल्या व्यक्तीने असे टोकाचे पाऊल उचलल्याने या प्रकरणाचे गूढ अधिकच वाढले आहे.

         उशिरापर्यंत या घटनेची नेवासा पोलीस ठाण्यात अधिकृत नोंद झालेली नव्हती. त्यामुळे घटनेमागील नेमके कारण अद्याप अस्पष्ट असून, संबंधितांचे जबाब नोंदवल्यानंतरच वास्तव समोर येण्याची शक्यता व्यक्त होत आहे. शांत व हसतमुख स्वभावासाठी ओळख असलेल्या घाडगे यांनी असा टोकाचा निर्णय घेतल्याने शैक्षणिक वर्तुळात हळहळ व्यक्त होत आहे.

              त्रिमूर्ती शैक्षणिक संकुलाचे संस्थापक साहेबराव घाडगे यांच्या निधनानंतर संस्थेच्या कारभारात बदल झाले होते. या पार्श्वभूमीवर सचिव मनीष घाडगे यांनी उचललेले हे पाऊल कौटुंबिक वादातून आहे का, याबाबतही चर्चांना उधाण आले आहे.