स्वराज न्यूज नेटवर्क
अहमदनगर : लोकसभा सार्वत्रिक निवडणूक-2024 अंतर्गत अहमदनगर व शिर्डी लोकसभा मतदारसंघात दि. १३ मे रोजी मतदान होणार आहे. या दिवशी मतदारांना मतदानाचा हक्क बजावता यावा यासाठी आठवडी बाजार बंद ठेवण्याचे आदेश प्रशासनाने दिले आहेत.
नेवासा तालुक्यातील घोगरगाव, सलाबतपुर, भेंडा बु., माळीचिंचोरा, कांगोणी, गळनिंब व माका येथील आठवडी बाजार बंद ठेवण्याचे आदेश उप विभागीय दंडाधिकारी नगर भाग अहमदनगर यांनी मार्केट ॲण्ड फेअर ॲक्ट 1862 चे कलम 3,4 व 5 मधील तरतुदी अन्वये जारी केले आहेत.
