राजकिय
लोकनेते गडाख यांची ग्वाही
अंमळनेर गावच्या विकासासाठी निधी कमी पडू देणार नाही; खडीकरण कामाचा शुभारंभ
आजपर्यंत नेवासे तालुक्यात अनेक आमदार होवून गेले. आपल्या मतावर निवडून गेले पण म्हणावा तसा विकास झाला नाही. आमदार शंकरराव गडाख यांना पाच वर्ष आमदारकी मिळाली. त्यानंतर राज्यात ठाकरे सरकार मध्ये जलसंधारण कॅबिनेट मंत्री मिळाले. मोठ्या प्रमाणावर तालुक्याचा विकासासाठी निधी मंजूर करण्यात आला. कामाचा धडाका सुरू होत असताना भाजपाने फोडाफोडी राजकारण करून ठाकरे सरकार पाडले. सर्वात जास्त नुकसान आपल्या तालुक्याचे झाले. भारतीय जनता पक्षाने शेतकऱ्यांचे मोठ्या प्रमाणावर नुकसान झाले असून दूध, कांदा, घरगुती गॅस, पेट्रोल, डिझेलप्रश्नी नेहमीच दुटप्पी भूमिका घेवून प्रचंड नुकसान सामान्यांचे झाले. खताच्या वाढलेल्या किमतीमुळे शेतकरी मेटाकुटीला आला आहे. भाजपाविषयी प्रचंड असंतोष निर्माण झाला असून लोकसभेसारखी अवस्था भाजपाची होणार असून पुन्हा ठाकरे सरकार महाराष्ट्रात येणार असल्याचा विश्वास गडाख यांनी व्यक्त केला.
यावेळी उपसरपंच अशोकराव मोरे यांनी आपल्या भाषणात सांगितले की, मा. मंत्री आमदार शंकरराव गडाख यांना प्रचंड मताधिक्य मिळणार असून गडाख परीवार आपल्या हक्काचे असून पुन्हा शंकरराव गडाख हे राज्यात मंत्री होणार असल्याचे सांगून लोकनेते सुनिलभाऊ यांचाकडे काही काम घेवून जा नाही म्हणत नाही. त्यामुळे वैयक्तिक कामाबरोबरच सार्वजनिक काम मार्गी लागत आहे.
