स्वराज न्यूज नेटवर्क
ज्ञानेश्वर कचरु तोडमल (वय 39) रा नेवासा बुद्रुक यांनी फिर्याद दिली असून त्यात म्हटले की, 2 जून रोजी रात्री पावणेबारा वाजण्याच्या सुमारास मी व माझा मेव्हुणा शुभम सोमोशी असे आम्ही माझेकडील मारुती कंपनीची सियाज चारचाकी (एमएच 16 बीसी1745) मधून नेवासा बुद्रुककडे येत असताना सिध्देश्वर मंदिराचे पुलाजवळील रोडवर लघुशंकेला थांबलो असताना तेथे आमचे गाडीजवळ एक थार (एमएच 20 जीआर 2007) व पांढर्‍या रंगाची स्क्रेटा अशा दोन गाड्या आमच्याजवळ येवून थांबल्या.
या गाडीमधून किशोर दिंगबर आवारे रा. भायगाव गंगा (ता. वैजापूर), किशोर हरिश्चंद्रे, रा. लासुर, (ता. गंगापूर), गणेश दिनकर कदम रा. भायगाव गंगा (ता. वैजापूर), व विठ्ठल दिंगबर आवारे रा. भायगाव गंगा तसेच अनोळखी 3 ते 4 इसम खाली उतरुन मला लाथाबुक्यांनी मारहाण करुन शिवीगाळ, दमदाटी केली. तेव्हा किशोर दिंगबर आवारे याने त्याचेकडील गावठी कट्टा काढला असता त्यास किशोर हरिश्चंद्रे म्हणाला की, त्याला जीवेच मार, हा लई माजला आहे असे म्हणाला असता मी किशोर आवारे यांचे हाताला झटका देवुन पळून जात असताना किशोर आवारे यांने त्याचेकडील गावठी कट्टयातून माझे दिशेने गोळीबार करुन मला जिवे ठार मारण्याचा प्रयत्न केला. तेव्हा मी अंधाराचा आसरा घेवून लपून बसलो. त्यानंतर त्यांनी माझेकडील सियाज गाडी घेवुन जात असताना थोड्या अंतरावर गाडी डिव्हायडरला धडकल्याने सियाज गाडी तेथेच सोडुन ते त्याचेकडील गाडीसह पळुन गेले.
पोलीस आल्यानंतर आम्ही झालेला प्रकार सांगितला असता पोलिसांनी घटनाठिकाणची पाहणी केली. तेथे एक गावठी कट्टा, दोन जिवंत राऊड, एक खाली पुंगळी दिसून आली. त्यानंतर नुकसान ग्रस्त गाडीसह मी व माझा मेव्हुणा शुभम सोमोशी असे आम्ही नेवासा पोलीस स्टेशन येथे आलो. या फिर्यादीवरुन नेवासा पोलिसांनी भारतीय दंड विधान कलम 307, 323, 141, 147, 148, 149, 504, 506, आर्म अ‍ॅक्ट 3/27 प्रमाणे गुन्हा दाखल करण्यात आला आहे.
